Árgangur 78

Blessuð sé minning hans.

Tue, 10 Nov 2009 12:30:48 GMT

Ágústa á sýningu í ráðhúsi Reykjavíkur

Wed, 29 Oct 2008 10:05:15 GMT

Kæru bekkjafélagar, vona að ég sjái ykkur öll í ráðhúsi Reykjavíkur um helgina, þar verður sko margt skemmtilegt að sjá :d

“Um næstu helgi verður haldin stór sýning/kynning á íslensku handverki, listiðnaði og hönnun í Ráðhúsi Reykjavíkur. Þetta er í þriðja skipti sem HANDVERK OG HÖNNUN sem stendur fyrir og skipuleggur þennan viðburð. Sérstök valnefnd valdi 54 þátttakendur. Í Ráðhúsinu verður mjög fjölbreytt úrval af handverki, listiðnaði og hönnun. Þar munu listamennirnir sjálfir kynna vörur sínar. Það sem verður til sýnis og sölu er t.a.m. munir úr leðri og roði, skartgripir, glermunir, nytjahlutir úr leir, fjölbreyttar textílvörur, hlutir úr hornum og beinum og ýmsir trémunir.

Í upphafi sýningarinnar eða á föstudaginn 31. okt. kl. 10.45 verða Skúlaverðlaunin 2008 afhent. Þeir sem valdir voru þátttöku í sýningunni í Ráðhúsinu gátu tilkynnt til HANDVERKS OG HÖNNUNAR ákveðna nýja vöru í verðlaunasamkeppni um besta nýja hlutinn. Rúmlega fjörutíu tillögur bárust frá 18 aðilum. Valnefnd skipuðu Rut Káradóttir, innanhúsarkitekt og Stefán Pétur Sólveigarson vöruhönnuður. Ákveðið var að kenna verðlaunin við Skúla Magnússon fógeta sem er frumkvöðull smáiðnaðar í Reykjavík.”

Þrír austfirskir listamenn sýna verk sín í Ráðhúsi Reykjavíkur um næstu helgi. Það eru Hólmfríður Ófeigsdóttir , Lára Vilbergsdóttir og ég, Ágústa Margrét Árnadóttir. Ég hanna og handgeri töskur og fylgihluti úr hreindýraleðri og fiskiroði. Allt um mína hönnun hér:
www.gustadesign.is

Ég vil hvetja alla Austfirðinga sem og aðra Íslendinga, sérstaklega gamla bekkjafélaga, að koma á þessu glæsilega sýningu. Allt um sýninguna og þátttakendur hér :

http://handverkoghonnun.is/Default.asp?sid_id=8397&tId=2&fre_id=78157&meira=1&Tre_Rod=001|006|&qsr

Sýningin stendur frá 31. október til 3. nóvember 2008 og er aðgangur ókeypis

Bestu kveðjur Ágústa Margrét Arnardóttir

Í tilefni af öllu þessu barnaláni

Wed, 15 Oct 2008 09:39:57 GMT

Þessi gullvæga setning heyrðist við kvöldmatarborð frá einni á
leikskólaaldri nýverið.
Dóttirin: "Var ég búin til í glasi eða ættleidd eða rídd?"

Sem er tilefni þessarar vísu

Úr hvaða efni er ég smídd,
af íslensku holdi eða þýdd?
Ég vita það vil
því víst er ég til.
Er ég ættleidd, úr glasi eða rídd?

Við spurningu barnsins svarar pabbinn svona

Úr ágætis efn' ertu snídd
og kostunum bestu ertu prýdd.
En eitt máttu vita
ég vann mér til hita,
því á gamaldags hátt varstu rídd.

Hamingjuóskir

Sun, 12 Oct 2008 21:32:11 GMT

Elsku bestu vinir mínir Guðrún og Valgeir.
Innilega til hamingju með prinsinn. Hann er yndislegastur:lol:
Knús og kossar,
María vinkona.

Jú jú það voru líka strákar í bekknum......

Sun, 12 Oct 2008 12:58:15 GMT

Og í dag vill svo vel til að einn þeirra er þrítugur :-)

Elsku Dóri, innilegar hamingjuóskir með daginn og svo sá ég að það hafði fjölgað í fjölskyldunni líka svo innilega til hamingju með hana Natalíu Rós líka. Njóttu dagsins.

Bestu kveðjur, Lára

Hey!!!

Fri, 10 Oct 2008 11:19:43 GMT

Ooooóóóó..........það hefur allavega eitt þrítugsafmæli farið framhjá mér :^) en það er hún Bryndís Ósk en hún varð þrítug fyrir sléttum mánuði síðan.

Elsku Bryndís Ósk, INNILEGAR hamingjuóskir með 30ára og 1 mánaðar afmælið, betra er seint en aldrei ekki satt ;-)?, vona þú hafir átt góðan dag á afmælinu og þú og þínir njótið ykkar í Firðinum fagra.

Bestu kveðjur af nesinu, Lára.

Ps. endilega ef ég er að gleyma einhverjum fleiri.............látið vita :-)

Og áfram höldum við ...............

Fri, 10 Oct 2008 11:10:40 GMT

Jahérna hér, ég er hreinlega farin að halda að ég sé sú eina sem kíki hingað inn EN ég veit það stenst ekki miðað við fjölda heimsókna á hverjum degi, hvar eruð þið öll??? :-)

Jæja en áfram höldum við að fagna þrítugsafmælum og í dag er það hún Aina okkar :-) Elsku Aina, innilegar hamingjuóskir með daginn, vonandi áttu góðan dag og nýtur þess að vera komin yfir til okkar þessarra "fullorðnu" ;). hahaha

Hafið það gott yfir helgina, Lára.

Meira meira ammæli.........

Mon, 06 Oct 2008 14:57:48 GMT

Jæja Heiðan mín, þá ert þú komin á næsta tug, innilega til hamingju með daginn þinn 4.okt (vona ég muni þetta rétt), vonandi hefuru notið dagsins vel. Bestu kveðjur, Lára.

Austfirðingaball 2008

Thu, 28 Aug 2008 21:12:55 GMT

Heil og sæl, hvað segið þið gott. Ég var að spá hvort við ættum kannski að setja stefnuna á Austfirðingaball á Players núna í sept, minnir það sé þann 19., er einhver stemming fyrir hitting? Kv. Lára.

Enn afmæli

Fri, 25 Jul 2008 12:34:25 GMT

Jæja þá er komið að Bjarna að skríða í þrítuginn.
Innilega til hamingju með daginn Bjarni minn, vonandi verður dagurinn þér góður :)
kveðja Kristbjörg

Ammæli ammæli :-)

Sun, 06 Jul 2008 22:37:38 GMT

Jæja þá er Guðrún Guðmunds komin af 20+ aldrinum og komin til okkar hinna þrítugu ;). Innilega til hamingju með daginn Guðrún mín, vona þú sért búin að hafa það gott. Kv. Lára.

Humarhátíð 2008

Thu, 03 Jul 2008 13:04:42 GMT

Eru einhverjir á leiðinni? Langaði bara svona að forvitnast. Ég og mín fjölskylda mætum allavega ekki þetta árið þar sem Robbi er á leiðinni í veiði akkúrat um helgina svo við ætlum bara austur fljótlega. Væri gaman að heyra frá ykkur hinum 8) Kv. Lára.

Koma svo!!!

Tue, 24 Jun 2008 21:08:20 GMT

Hvar erum við öll?

Mon, 23 Jun 2008 12:51:34 GMT

Hæ hæ :-)

Ég var nú bara svona að spá hvað hefur orðið um okkur öll, bara ekkert að gerast hérna á síðunni. Ég er allavega nýkomin úr "Firðinum fagra" og var þar núna í rúma viku í þetta skiptið og hafði það bara alveg ljómandi gott eins og venjulega. Hitti Gústu, Guðlaug og krakkana í Lóninu, skrapp á 17.júní hátíðarhöld á hóteltúninu, en hitti nú satt að segja ekki marga sem ég þekkti. Ég hitti þó Bryndísi Ósk og hennar fjölskyldu, en þau eru flutt aftur austur, og hafði bara mjög gaman af því. Takk fyrir spjallið Bryndís mín og gangi þér vel í nýja starfinu og með "leka" húsið ;-)

Núna set ég stefnuna á nám í haust en ég komst inn í "háskólabrú" hjá Keili og er bara alvarlega að hugsa um að skella mér, það er allavega fljótlegra fyrir mig að fara þessa leið en að klára stúdentsprófið og mig langar orðið að fara mennta mig eitthvað. Er nú orðin svo "stór" að ég verð að fara ákveða hvað mig langar að verða ;-)

Núna erum við alltaf að verða fleiri og fleiri sem erum að skríða yfir þrítugt :- ) Rakel mín innilega til hamingju með þinn dag þann 23.maí og Gunnhildur mín innilegar hamingjuóskir til þín með þinn dag 7.júní. Ég HELD það sé engir aðrir búnir eftir það, endilega leiðréttið mig ef það er ekki rétt.

Ég var að frétta af því að hann Bóbó kallinn væri dáinn en hann lést þann 20.júní s.l. eftir baráttu við krabbamein sem hann greindist með ekki alls fyrir löngu. Þær eru nú margar minningarnar sem maður á um Bóbó, hann var góður kall. Innilegar samúðarkveðjur til fjölskyldunnar.

Jæja ákvað að sýna svona smá lit hérna, koma svo............... Bestu kveðjur, Lára.

Afmælisbarn dagsins

Wed, 07 May 2008 17:42:41 GMT

er Lára.
Innilega til hamingju með afmælið.
Vonandi er hann þér góður :)

Kveðja Kibba